LOVE UNION

點解ge?

有冇留心聽富豪雪糕車個藍色多惱河音樂?
快左!!!(我不知道是不是真的,只是我的直覺)
好快!!好似好趕時間咁!!

再望下包住軟雪糕果張紙!

連個DESIGN都變埋!!!

梁朝偉已經冇賣三菱彩色相紙喇咩?

有幾耐冇o係草地上面碌地沙?

你今日飲左未???

最後,我發覺我竟然忘記左點樣笑。

Sorry,我今日心情唔好,又發神經。

之前寫落GE"男孩像你"故事,我唔知點解,寫唔落去。

No.40 Miu

這個世界真的有點太殘酷

R.I.P

L.I.L

rest in peace

live in love

所以我們得一直堅持下去

Life on Stage 廣播劇劇本：第二集 – 發記士多

第二集 – 發記士多
[鐵閘聲]
向海:「媽, 我返黎啦.!」
何太:「海, 你返黎就岩啦, 入黎幫我開左罐野去.」
[炒菜聲]
何太:「個罐野係個到呀, 檯上面. 開左去呀.」
向海:「嘩! 好香喎! 今晚有咩餸呀?」
何太:「豉椒排骨, 炒菜心…」
向海:「啦, 開左啦, 媽」
何太:「唔該. 同埋煲左青紅羅白湯.」
向海:「呀媽, 你偏心呀. 全部都係老豆鐘意ge.」
何太:「你唔鐘意咩? 你唔鐘意呀唔好食.」
向海:「鐘意! 只要係呀媽煮ge我都鐘意.」
何太:「嘩, 你d戲好屎喎! 快d幫我入d飯餸落過兜度. 炒埋d菜就攞落發記.」
[讀白]
我屋企一家3口住係大角咀彩虹大厦. 老豆係屋企樓下開左間士多叫發記, 呀媽係個典型ge家庭主婦, 有時間就會落鋪頭幫忙.
向海:「老豆, 食飯啦.」
何生:「海! 叫你幾多次換好校服先落黎食飯! 一陣你整鳥糟又要你老媽子洗餐
濛ge!」
何太: 「你個仔岩岩先返黎, 一返到就攞飯比你啦, 重嘈! 海, 唔好理佢過黎食飯.」

[六點半新聞報導 + 筷子聲]
何生:「點呀? 今日又走左去排劇呀?」
向海:「嗯.」
何生:「你排還排, 記得讀好d書! 做戲唔搵到食嫁. 記住! 雖然讀書未必有用,
但你如果唔讀呢就一定無用」
向海:「嗯」
街坊:「A, 發哥! 黎罐可樂, 唔該!」
何生:「好, 黎呀!」
何太:「海, 你老豆叫我問你你套劇幾時做呀. 係岩時間ge, 你老豆話休鋪去捧你場喎.」
向海:「我地今次套劇係為左參加個個校際舞台劇比賽, 到時静係得其他學校同
評判可以入場. 好似話係下星期六學校開放日會重演一次. 不過有咩好睇呀? 我今次做二打六Jer嗎, 我都唔想做.」
何生:「話你呀! 由細到大做咩都唔上心! 做咩呀? 二打六唔係人, 就唔洗比心機演嫁啦?」
向海:「唔係~不過我根本就唔想做哩個角色, 完全都無得發揮.」
何生:「人生如戲, 戲如人生! 做戲同做人一樣, 好多時都無得簡做咩角色嫁啦. 好似我係你老豆禁, 我想唔想, 我都係你老豆, 無得簡嫁. 邊個唔想做李嘉誠? 我咪又係日日係士多做野! 唔通我又學似你禁, 唔想做就唔做. 做人要做個有擔帶ge人, 做演員都要做個專業ge.」
向海:「嗯」
何生:「你呀媽黎得睇你, 就會當你係主角禁睇. 你係你呀媽套戲係主角咪得囉.」

[開鋪鐵閘聲]
街坊:「喂, 海仔.」
向海:「早晨, 陳師奶!」
街坊:「乜禁乖幫老豆開鋪呀?」
向海:「係呀, 老豆一早去左覆診. 我今日又放假咪出黎幫下手囉.」
街坊:「哦. 呀! 比份東方我呀.」
向海:「六蚊呀, 要唔要袋呀?」
街坊:「唔洗啦. 啦, 六蚊.」
向海:「好, 多謝曬.」
男士:「唔好意思, 請何潤發先生係唔係係到呀?」
向海:「佢今日無係度, 你邊位搵佢?」
男士:「我係城市規劃及發展局派黎嫁, 我姓張. 哩張係我ge咭片. 」
向海:「唔嗯.」
男士:「我地發展局會係未來一年計劃重建大角咀一帶ge舊區. 而何先生ge 依個鋪位呢就包括左係我地今次ge發展項目裡面. 呢份文件係我們ge賠償同埋回購方按. 麻煩你交一交比何先生.」
向海:「下?」

Life on Stage 廣播劇劇本：第一集－我叫何向海

你們好！我是LoveUnion的一員，我叫Joseph．
轉眼三年，老實說自從加入LoveUnion後沒有好好在LU的Blog寫過一篇文章，現在卻想利用LU的Blog發表自己的作品．說起來還真慚愧．希望LU的會員和LU blog的讀者會喜歡我的文章和多給意見．謝謝．

Life on Stage
第一集 – 我叫何向海

[下課鐘聲] 課室門外走廊

林君:「向海! 喂! 走啦, 快啲行啦.」
向海:「下? 去邊呀? 我唔得閒喎.」
林君:「咩話? 又唔得閒? 你次次星期五都唔得閒嫁喎! 一係就話要返去睇鋪, 一係就話留堂. 今次又點呀?」
向海:「呀…呀miss張囉, 又留我堂.」
林君:「點呀? Miss張都無返! 今日中史堂先嚟左個代課」
向海:「哦, 係咩? 呢次係之前欠佢ge. 佢叫我呢個禮拜補返比佢」
林君:「大哥呀, 之前排戲你成日唔嚟都算啦. 重有兩星期就on stage嫁啦.社長佢地想嚟想full run」
向海:「車,你地咪run囉. 我呢d騎呢啡少個唔少啦.」
林君:「唔係嫁, 導演話角色既關係係一個牽住一個, 一個都不能少, 個個演員同角色都一樣重要」
向海:「君, 你認真睇下我個角色先. 又要光頭又肥, 出場都唔夠十分鐘. 重有呀, 佢連名都無嫁, 劇本上面都係寫住何向海飾演八公咋. 如果唔係今年你做到個主角仔, 我先唔會陪你參加今次套劇呀.」
林君:「呀…是但你啦. 我同社長講話你比人留堂啦. 不過你下次真係要到呀! 正式on stage嫁啦. 你好歹都同大家full run次啦」
向海:「得啦, 我會嫁啦. 你行啦, 遲到啦.」
林君:「呀…係喎係喎, 唔同你講啦. 走啦!」
[急速腳步聲]

[讀白] 你好, 我叫何向海, 今年十八歲, 係個普通到唔可能再普通ge中六生. 頭先黎搵我去排戲個個係我最好ge朋友林君. 我同佢由小學識到依家, 大家到好鐘意演戲. 所以一升到中學就即刻一齊參加劇社. 我地曾經話過一考完a-level就一齊去考演藝. 弟時要做新一代ge周星馳同吳曼達.
[排球聲, 教練的吹哨聲]
癬強:「Sip~~Sip~~喂~向海, 向海呢邊呀!」
向海:「喂, 癬強. 你做咩哩埋係棵樹後面呀?」
癬強:「你做咩禁遲嫁? 重依為你唔黎添. 嚇死我.」
向海:「我幾時放過你飛機呀? 次次星期五我都推曬所有野, 劇都唔排黎陪你嫁啦.」
癬強:「海, 你真係夠朋友. 如果唔係有你陪我, 我真係唔夠膽一個人係到睇呀mary練波呀. 你知啦, 好似好咸濕好變態呀嗎. 飲咩呀飲咩呀? 我請!」
向海:「得啦. 唔洗啦. 揀個靚位坐啦, 人地開始啦. 」

[讀白] 其實我唔係真係禁好朋友, 個個星期五咩到唔做黎陪癬強睇女仔. 第一次係因為純粹八卦想知道邊個禁唔好彩比我地校草癬強睇中. 之後係因為佢, 佢叫張倩.
癬強:「海, 你識唔識個個著23號球衣個個女仔呀?」
向海:「張倩? 我同佢同一班, 不過由開學到依家我都無同過佢講過野.」
癬強:「係呢, 你都覺得佢扮曬野呢!」
向海:「下?!無呀, 我無禁講過. 我只不過係無機會同佢講野, 而唔係我唔想.」
癬強:「自從佢中六入左黎之後. D人話佢係新一屆ge校花喎! 你睇佢邊彿靚呀, 又黑又廋好似難民禁, 邊似得我mary, 又白又滑又胖DoDo, 好q呀!」
向海:「唔係呀. 我覺得佢d膚色幾襯佢, 幾靚幾健康.」
癬強:「海! 我唔準你禁講呀! 無人可以取代我心目中ge女神mary嫁. 你唔可以, 佢都唔可以!」
向海:「呀, 得啦得啦. 你坐返低先, 你女神要開波啦.」

[排球拍拍兩聲 + 風聲] 唔知係有心定無意, mary開ge個球波禁岩打中左坐係另一邊看台ge癬強. [拍, 哎呀]而係另一邊ge張倩就為左執返個個出左界ge排球慢慢跑過黎.
向海:「喂, 喂癬強!有型呀有型呀」
癬強:「下?!」
向海:「嘩! 你流鼻血喎! 擦返佢啦, 有型呀過緊黎呀!」
張倩:「hi」
向海:「hi」
張倩:「你朋友無事呀嗎?」
向海:「哦, 無, 佢呀…成日都係禁嫁. 呀! 你個波呀, 啦!」
張倩:「唔該.」
向海:「喂. 」
張倩:「嗯?」
向海:「我叫何向海呀.」
張倩:「嘻, 我知呀. 我叫張倩.」
向海:「哦, 我都知.」
張倩:「我要返去啦, bye.」
向海:「bye」

呢次係我第一次同佢講野.

optical art

“尤其是你哩d做artist既，你自己知對眼幾緊要gala“偌大一間醫院，居然給我碰上了一個來自香港的眼科醫生，一邊用儀器幫我驗眼，一邊跟我說。

我呆一呆，不是因為“對眼幾緊要“哩句，而是因為“尤其是你哩d做artist既“哩句。

今天終於歷遍萬難，等到預約之期，我到了醫院做一個眼科詳細驗查。

我的眼睛，早於數月前，從巴黎回到倫敦之後，開始在左眼前面，濛了一塊。

後來驗出，那是白內障。

而今次，非常不幸，醫生說，我的眼睛，有比白內障來得嚴重而且急切的問題：

我的兩隻眼睛都有輕微的視網脫落。

要作進一步的驗查，方能驗出嚴重程度。而這，要到另外一間醫院去做。

只能說真的幸運，遇上的這位同鄉非常熱心，將這件事像自己的事一樣看待，馬上給我解釋各樣各樣，並親自打電話給我約那家醫院，並聲稱那邊那位醫生是她朋友，著我不要擔心。

我用我在各種測試後非常有限的視力，也非要看到她胸前名牌不可：

感激你，Doctor Nicola Lau

看見將劉這個姓作這種譯法，心裡感覺溫暖。

還馬上給我約好了翌日到那所醫院去，那完全超出了“倫敦速度“。

就是明天，她還告誡說如果明早驗出來要做手術，可能馬上，下午便得做手術。

所以，8:30到醫院前，請於6點便吃點東西，之後不要再吃，水也別喝，因為做手術前不能吃喝。

通常，太personal的事，我都不在這裡刊出。這是我寫LOVE UNION 這個blog的其中一個信念。

我不是名人，沒需要也做不到，用自己來做招來。

寫在這裡的，只希望，文章本身，能感動人心。

或者不多不少和愛這個字，拉點關係。

但今次，只想大家給我一點力量。

如果明天真的要馬上動手術，我可能會有一段時間，兩眼不能視物，更惶論上網了。

所以，在此先給所有關心我的朋友一個知曉，如果你見這裡我的文章久久不更新，那你就知道，我該是做過手術了。

在康復中，不用擔心，或者，不用太擔心。

眼前若變濛，便有好夢，平凡人亦可輕易被神化

流行曲唱出來或者很動人，不過如果動聽過後，這片濛揮之不去，恐怕，連wyman都不能被神化。

2010年6月17日星期四。

倫敦時間：晚上９時04分

多姆

無疾而終

無疾而終，是因為一開始的時候便已有病，而那病，叫做幻想

2010年6月１６日星期三

多姆

成長

書讀萬卷，路行萬里，不如情談一場

2010年6月7日星期一

多姆

貓貓狗狗

狗會做句，貓會起錨

2010年5月最後一日

多姆

倫敦仲春

差不多春至，一早一晚還是有雨

攝於倫敦，海德公園

2010年5月30日

多姆

夏日午後

iced mocha,平衡四邊形cheese cake, 村上春樹，和倫敦夏日午後的陽光

多姆

2010年5月25日